Back to Home > Indices > Index II.iii.1 of masters and schools > OdoTounai

Sigeberti Chronographia

1092. ... In suburbio Tornacensi ad septentrinalem plagam urbis monasterium sancti Martini construere incipit Odo Aurelianensis, 6. Non. Maii, die dominico. Ex condicto namque predicta die eo adveniens, comitante sibi sollempni processione domno Radbodo eiusdem urbis episcopo, et clericis sibi subiectis aecclesiae beatae Dei genitricis Mariae, cum populi maxima multitudine, locum ab eodem suscepit episcopo, una cum quatuor fratribus secum ibidem Deo militaturis regula canonica sub habitu clericali. Qui Odo Aurelianis oriundus, Tornaci tunc temporis scolasticus, nullo Cisalpinorum infeiror fama celebrabatur dialecticae artis caeterarumque liberalium scientia. Qua ex re undequaque ad eum clericis confluentibus, unus e peregrina superveniens regione anulum aureum illi optulit, in quo monosticon hoc inscriptum fuit: Anulus Odonem decet aureus Aureliensem. Haec retulimus, ut ex his coniciatur, quantum apud unam regalium aecllesiarum honorem habere posset, si illo tetendisset; dum maluit Christo adherere in loco pauperiei et indigentiae.

Sources:

MGH SS VI p. 394.18-32