Lit. Knappe p. 197
1. DE SAPIENTIA.
| Me sine matre pater genuit pariente puellam, |
| Sed genito prole non erat ille prior. |
| Virgine virgo forem quanquam de perpete perpes, |
| Non mihi abest ullo coniuge matris honor. |
| Sunt mihi nam ternae patrio sine semine natae, |
| Sed mea virginitas sempr in aeva manet. |
| Terna mihi est species, oculi tot fronte sub una, |
| Ubera tot niveo pectora sacra tument. |
| Totque meo latices turgent de ventre manantes, |
| Lota sophistarum pro quib... quis ...nitet. |
2. DE PHYSICA
| Innuba me genuit genitrix de coniuge nullo, |
| Dum sit patris ... est mihi matris honor. |
| Mater enim constat mea patris origine sola, |
| Ast ego de sola sum genitrice sata. |
| Sed quanquam genitrix mea virgo perenniter instet, |
| Foemineae sobolis pignora trina tulit. |
| Sunt mihi bis binae species, tot lumina lucent, |
| Pignora tot geni virgo sed ipsa manens, |
| Inque meo turgent niveo tot pectore mammae, |
| Tot quibus aeterno fonte fluenta manant. |
3. DE ARITHMETICA
| Me sterilem genuit patrio sine semine mater, | |
| Sed mihi sunt propria proles in aeva manens. | |p. 51| |
| Sunt mihi germanae genitae de virgine trinae, | |
| Quae sine me nequeunt numina habere sua. | |
| Bina patet species duplici sub fronte tot ora, | |
| Ubera tot niveo pectore sacra tument, | |
| Una mihi species hilaris ut lumina trino, | |
| Altera sic triplici munere lucis ovat. |
4. DE GEOMETRICA
| Sunt mihi tres mirae species, sunt lumina sena, |
| Quaelibet ut species lumina bina ferat. |
| Unus eorum oculus vigilans in celsa tuetur, |
| Rite suum visum alter ad ima premit, |
| Tertius ante videt, quartus sed retro retorquet. |
| Quintum sextumque dextra sinistra tenent, |
| Meteoras ratio caelum pelagumque solumque, |
| Terra tamen tribuit nomen in aeva mihi. |
5. DE MUSICA
| Vox mea non sonuit penitus non atque sonabit, |
| Nulla corona tamen vox sine me resonat, |
| Sunt mihi tres mirae species, sunt lumina trina, |
| Ubera tot niveo pectore scra tument. |
| Me sine dulce nihil tubicen, citharista, poeta, |
| Clangore, fidibus, carmine ferre queunt. |
| Nescio quid sunt resonant quid carmina vatum, |
| Quippe mihi nullus sensus inesse potest. |
6. DE ASTRONOMIA
| In terris mihi grata domus, sed pascor olympo, | |
| Tot mihi sunt oculi quot polus astra vehit, | |
| Ast mea sceptra manent se dudum tempora volutant, | |
| Dumque suas moveant lux tenebraeque vices. | |p. 52| |
| Ipse sed extinguar, mea glorai cuncta peribit, | |
| Luxerit aeterne dum sine nocte dies. |
7. DE ETHICA
| Sunt mihi germanae genitae de virgine binae, |
| Una secunda meo est, altera honore prior, |
| Una creaturas ego ritus tertia linguas, |
| Ordinat in species, dividit atque suas, |
| Prima secunda tacent, liquitur sed tertia sola, |
| Pro nobis etenim sunt sibi verba data. |
| Sunt mihi bis binae species, bis lumina bina: |
| Pignora tot genui virgo sed ipsa manens. |
8. DE QUATUOR VIRTUTIBUS
| Sunt mihi germanae patrio sine semine ternae: |
| Nam genitrix nostra virgo per aeva manet. |
| E quibus una modos humanis moribus optat, |
| Ne plus quisque petat quam sibi sorte datur: |
| Altera prudentum defendit ab hoste cateras, |
| Insidiae cunctae cui sine bube patent. |
| Tertia Christicolis vires largitur enormes, |
| Cuncta quibus facile ferre pericla queant. |
| Quarta, tenes geminam lancem moderaminis aequi, |
| Sedibus in summis iudicat ante Deum. |
| Illa, nuens iustis caelestia scandere regna, |
| Imperat iniustis Ditis adire domos. |
9. DE LOGICA
| Est mihi sola parens geminae sine patre sorores, | |
| Quarum notitia me pereunte perit. | |
| Tres mihi sunt species, fulgent tot fronte sub una: | |
| Lumina tot genui pignora virgo manens. | |
| Imperio quorum cunctae per secula linguae | |p. 53| |
| Expediunt vitam, quae sine labe nitent. |
10. DE GRAMMATICA
| Littera distribuit mihi nomen Graeca perenne; |
| Nescio sed quid sit littera, quidve potest, |
| Grammata cuncta meae ditioni et singula verba |
| Subdita, sed nota grammata nulla mihi. |
11. DE RHETORICA
| Ast mihi tradiderat nomen foecunda loquela. |
| Singula despiciens plurima verba fero. |
| Me veneranda phalanx reveretur in aeva rethorum, |
| Dum sine me nequeunt quae referenda loqui. |
12. DE DIALECTICA
| Sunt mihi germanae genitae de virgine binae, |
| Nominibus quarum sacra sophia viget. |
| Grammatibus cunctis variaverat una figuras, |
| Altera dicendi ferre perita modos. |
| Ast ego mente solers breviter discrimina rerum |
| Segrego quam nulla fallere menda queunt. |
| Omne sylogismis dubium manifesto repertis: |
| Quippe sophistarum mens mihi Graeca domus. |
| Sed mihi dum pauci praestant habitacula digna, |
| Mens sine me dubia multa relinquit inops. |