| Esse genus summum substantia dicitur unum, | |
| De cuius species oriuntur germine plures. | |
| Quae species, cum sint, possunt genus esse uicissim, | |
| Hocque subalternum fertur genus esse uocatum. | |
| 5 | Nam super impositum generis sibi uindicat actum, |
| Subpositum rursus species idem uocitatur, | |
| Haec ita cum certis uocibus possint uariari. | |
| Ultima, quae sequitur, species solummodo fertur. | |
| Hec prorsus generis nomen retinere ualebit, | |
| 10 | Sed genus ut species summum paritur in omnes, |alio columno| |
| Ultima sic species proprios in particulares. | |
| Hoc igitur differre genus speciesque uidentur. | |
| Quod genus, ut maneat, specie non indiget ulla, | |
| At species, ut sit, generis de nomine sumit. | |
| 15 | Quodque genus speciem sub se sic continet omnem, |
| A specie penitus rursum ne contineatur, | |
| Atque genus solum fuerit si forte peremptum. | |
| Mox etiam species secum perimit simul omnes, | |
| Nec species tantum poterit genus esse supremum, | |
| 20 | Infima nec species genus ullo tempore fiet. |